الحياة نيوز ـ فيصل محمد عوكل ـ **امراه تقول لصديقتها بتعرفي نفسي اعرف مدام القنفد كيف بتعمل سشوار لجوزها نظرت اليها صديقتها وقالت لاتخافي عليهآ بتدبر حالها بتتمرمغ فوق اكم حجر بيبطل شعرها ينخز جوزها هذا اذا كانت بتحبه طبعا اما اذا حاقده عليه بتخليه بحب قنفده جديده وبتحفرلهم بيت ويوم الفرح بتروح تطمرهم كعربون على مشاعرها بهكذا مناسبة.
**مسطول جالس مع صديقه يقول له بتعرف انا اللي مجنني بعالم الحشرات ليش عنكبوت الارمله السوداء يوم تتجوز بتوكل راس جوزها اجابه صديقه هاي مكيوده بتخاف يتجوز عليها بتخلص عليه من اولها وعلى فكره المدام بتوكل راسي بالحكي الها خمسين سنه كل يوم بالطلبات والمشكله انا قربت انجن وهي لازالت بعنفوان طاقتها الكلاميه مش عارف ليش
**واحد يقول لصاحبه المهبول بتعرف انه امبارح كنت بدي اموت لاني اشتريت سمك واكلته وطلع كله شوك صرت بدي انخنق فقال له صاحبه شو نوع السمك فقال اشتريت سمك مشط فقال له صاحبه الله يهديك المشط انعمل علشان نمشط بعد الحلاقه ويمكن كان سمك مشط بلاستيك.
**اثنين مساطيل قاعدين على شاطيء بحر قال الاول نفسي اعرف ليش سمو السمك الكبير سمك القرش علما بانه سمك كبير ونفسي اعرف ليش سموه سمك قرش مش سمك الليره او الفرنك او الدرهم مثلا فقال الاخر مجيبا سموه ياصديقي سمك القرش لانه الصياد ببكون صياد عتيق اخو شلن متخصص بالقروش لانها فراطة.
**سكران بيسال صاحبه انا رايح انجن ليش وانا بشفط بالارغيله بتصير تنط الميه وكاني بحكيلها نكت اجابه صديقه المنسطل اكثر وقال بتعرف هاي ارغيلتك بتذكرني بمرتي لما بوشوشها انزور دار ابوها اونطلع رحله هيك بتصير تنط فرحانه وانا بكون الدنيا مدخنه معاي.
