اخبار منوعة

(سي في) طلب عمل.. شغلوني قبل ان تخسروني

الحياة نيوز ـ فيصل محمد عوكل ـ انا رجل متميز وابحث عن عمل ومش زابطه معاي ابدا ومش عارف ليشم احد راضي يوظفني شغله بتجنن صدقوني ومش ملا قي حلحتى ان انني اينما اذهب اسمع كلمه بليز ارسل لنا السيفي واحنا بنبلغك وكنت دوما اقول حاضر واخرج حتى ضاقت الدنيا بوجهي فسالت جارنا دكنجي مخضرم وبيعرف بكل شيء فقال شو يا هبيله السي في هاي مش بندوره ولا اكل ولاكل خزعبلاتك السي في يعني تكتب اسمك عمرك شهاداتك اللي حاصل عليها خبراتك بالحياه هواياتك وعنوانك وتبعثهم علي الايميل فسالته شو الايميل فصاح بوجهي روح انقلع من وجهي ميله تميلك ولك هاي شغله بالانتر نت انقلع من وجهيفبقيت يومين اشرب شاي وقهوه وادخن وافكر وامعمط بشعري وانا بهرش بدماغي حتى وصلت الى معرفه كيف اكتب السي في الخاص بي وفرحت جدا وارسلته لكل الجهات التي تريد عملا ولكن بدون فايده واحيانا يرسلوني قهقه اعجاب فاظنهم معجبون بخبراتي والسي في الخاص في وعدت للدكنجي جارنا لاشتري شاي وسكر بالدين
مامعيش مصاري فنظر الي وقال شوف لو كنت ابني لاعلنت منك برائتي انا مش حاكيلك تبعث سيفي بلكي حدا حن عليك وشفق عليك وشغلك قلت انا عملت سي في وبعثته لكل الكوكب ولكن انا حظي مقندل ومش زابطه معاي النحس حاجز تذكرته معاي شو اساوي فقال لي طيب ابعثه اللي اشوف شو كاتب ياروح امك يانظوه زمانك يافلته عصرك واوانك وبسرعه اخرجت التلفون ونسخت الموضوع وارسلته لتلفون جارنا الدكنجي لأثبت له بانني عنجد مثابر وعملتها وبانني مثقف وقد حالي بس قليل الحظ واخذ يقراء ويلطم وينظر اللي ووجهه يتحول مثل قوس قزح حتى ظننته قد يصاب بسكته او يقوم ويطخنيوانا اقول شايف اكيد ادهشتك.. فقال اه اه اه بس خليني اقراه بصوت عالي خلي الناس تشوف عبقريتك يافلته زمانك وسابق عصرك واوانك ولك مين الحمار اللي بده يشغلك ولك انا بشغلكاش تكنس باب الدكانه ولك هذا سي في هذا مطفش للعمل هذا مدمر للمستقبل ولك شو هذا
الاسم محسوبكم طالب العمل *العمر الله يطول عمري الاعمار بيد الله *الشهادات شهاده ميلاد مكتوبه باللغتين العربي والانجليزي ومختومه *وشهاده كورونا *وشهاده تطعيم ضد الكزازوضد الجدري والانفلونزاوشهاده اني دخلت المدرسه *وشهاده من المدرسه لابوي يحضر عند المدير لاني ضربت ولد بوكس *وشهاده فحص دم كمان .. والخبرات كثيره جدا سبع صنايع والبخت ضايع *اولا نتع طوب تنزيل وتحميل سنتين *نتع اسمنت وشغل علي الرجاج خمس شهور وولع الرجاج *وصرت انا ارج والرجاج بطل يرج *نتع باطون لصب الشمعات والسقوف خبره اسالو الطوبرجيه *خبره عزف منفرد علي الكمبريسه وحفر الطرق لمد المواسيرنتع كريكات وعمل خلطات باطون خبره كبيره لدرجه بقللو اصابعي
الهوايات : * الهوايات الكزدره وعد بلاط الشوارع وعد الحفر والبلاطات المخلوعه من الرصيفالتخطيط بخيالي لعالم مثالي لايمكن وصفه ابدا *التدخين مش مهم النوع المهم الكيف اني بحرق السجائر لاني قلبي محروق من الطفر .الاحلام : افكر جديا بزوجه عيونها زرق واسنانها فرق وتقبل تتجوز واحد طفران كحيان مثل حالاتي والرزق على الله بس اشتغل ويصير معاي مصاري المطلوب البحث عن عمل يناسب مواهبي المعروضه امامكم مشكورين وتقبلوا الاحترام . التوقيع انا اللي بدور علي شغل *ملاحظه جارنا الدكنجي اقسم ان يترفش ببطني اينما شاهدني بعد ان تم نقله للانعاش من الصدمه وهسه انا بكزدر بدور على شغل وحتى الان انا افكر ليش حظي هيك.

تابعنا على نبض

مقالات ذات صلة

زر الذهاب إلى الأعلى