أبو العبد وأم العبد ملكة جمال النسوان

الحياة نيوز ـ فيصل محمد عوكل ـ *ابو العبد : ولك ياام العبد وين منقلعه ردي وين كهوه الصبح ريكي ناشف مثل الحطبه كنو ولع بيكي البريموس الكاز وانحركتي واخلصت منك.
ـ ام العبد : من غير شر اموت هسه بعدني كمر كمر بين النسوان وهاي كهوتك اتفضل اشرب كهوتك وروك ومخمخ على الكهوه واعدل مخك بدي احكي معاك ونتخرف حول موضوع شو رايك نتناكش بكسد.
*ابو العبد : اه اتفضلي اتحفينا ياشجره الدر زمانك اتفضلي يازنوبيا دهرك اتفضلي وانكشي مخك ونتناكش بشو فهميني والله يلطف من أفكارك.
ـ ام العبد : انا هسه مكتنعه انو احنا النسوان الشركيات فلاحات ولا مدنيات ولا من الباديه كلنا ملكات جمال وانتو الزلام هبايل بتطيشو على شبر ميه.
ابو العبد : مهو انا كلت سلفا الله يصبرني عليك وعلى أفكارك اتفضلي اتحفيني ياام العبد فيثاغورس زمانك وكيف بدك تكنعيني هسه تكلبي طاكيتي وتشكلبيني مااكتنعت لأنك بزكمي وشايفك وخليتي عندي عكده من النسوان ياحسره كلبي على شبابي راح هدر.
*ام العبد : اسمع يارجال طول عمرك بصلتك محروكه وايدك فرطه وعكلك خزك اتحفينا بالموضوع بلاش مطمطه ولغمطه حكي سكرتي نفسي عن الكهوه يسم بدن اهلك
ـ ام العبد : الله يسامحك مابيهونلي فيك احكي مثل مابتحكي وكارش ملحتي بس الصبر طيب اسمع
*ابو العبد : اتفضلي احكي خلصينا ولا اطركك بالعكازه أنشط خلايا مخك هسه َام العبد لا استنى واسمع اولا احنا بنولد اولاد كثير والاجنبيات ناشفات مافيهن حيل يولدن ولد ولا اثنين وبيفرطن وبيصيرن بدهن يموتن هاي وحده احنا بننجش الأرض وبنحرث وبندرس وبنخبز وبنغسل وبنجلي وبنرعي غنماتنا وبنرعي أولادنا وبنرعاكم.
*ابو العبد شوبتكصدي بنرعاكم وجبتيها مع كلمه الغنم
ـ ام العبد : يارجال وحد ربك واصبر على خليني اكمل حكي
*ابو العبد : اتفضلي وسكتت اتفضلي
ـ ام العبد :والاجنبيات مابيكدرن يصبرن مثلنا هاي الثانيه وبعدين احنا كبل ماتطلع الشمس بنطعمي أولادنا وبنلبسهم ونوديهم على المدارس رياضه مشي واولادنا كويسين اكوي وأنشط من الجاج البلدي مش رخوين ولادنا مثل الأجانب كورونيات هذول اللي مهستر ين عليهن ومعمي ظوكم عليهن هاي الثالثه وبعدين امانه ياابو العبد انت ابو العبد على سن ورمح سيد الزلام بتكبل وحده ام كشه شقرا ولا صفرا تحكيلك كوم انت اعملي كهوه يابو العبد بتكبلها ولا تكولك روح رضع وغير للولد ولاروح اجلي الجليات شو رايك بالحكي.
*ابو العبد : بتعرفي انك يامكلعطه على حك ولك صايره تفهمي ولك لايكون بتكري كتب من وراي أنا مش عارف.
ـ ام العبد : فشر انا مابعملها انا بطبخ ومرات بخبز وبولع الطابون بالكتبات اللي بتكراهن.
*ابو العبد : اه فكرت انك بتتثكفي من وراي
ـ ام العبد : انا بتعلم وبتثكف منك ولو العين مابتعلي على الحاجب.
*ابو العبد اكنعتيتي يامكصوفه الحطبه سدكتي ولكن انتن ملكات على كلوبنا بس بنحب نمزح ونفضفض بنمزح.