اخبار منوعة

ابو العبد وأم العبد والختيارة البصارة

الحياة نيوز ـ فيصل محمد عوكل ـ ـ ام العبد صباح الروقان والذوقان وعصير البرتكان والرمان ياحبيبي كلبي ومصاريني وكراعيني ياابو العبد خذ اتفضل كهوتك حلوه مثلك يجعله مجاري الهنا والسعاده يارب.
*ابو العبد يافتاح ياعليم يارزاك ياكريم كيف بدي اشرب كهوتك اللي مثل زكمك المكلعط وانت بتحكيلي مجاري في كهوه بدك تكلعطي حدا بتحكيلي مجاري ومناهل ومصارف ول على صباحك كهرتيني بكلمتك مجاري انا حساس صبحت رومانسي حالم عاطفي يمكن اصير شاعر بس كنت بدي أحلك بشعري للكمر والنجوم امبارح سمعت خبر كلعطني.
ـام العبد سلامه شعورك ياروح كلبي ياابو العبد ومشاعرك وشعرك ياشعرور روحي وكلبي كمان ين اللي هز بدنك يهز بدنه مثل مابينهز المنهل ومثل مابينهز رجاج الطوب يهز بدنه تسعه ريختر احكيلي مين خليني اوكل مصارين كلبه ياابو العبد.
*ابو العبد شو انا متجوز ام العبد ولا دراكولا يااكله المصارين اكعدي غلط واحكي صحيح هذا خبر كال انه الكمر فيه كمر اصطناعي صاروخ ظابع فايع بده يسمطه قلت اتغزل بالنجوم بيظوين اكل واوفر.
ـ ام العبد اه كل حكيك مزبوط
*ابو العبد سامعه ياام العبد فيه وحده بالشارع بتنادي بصاره براجه ناديها ولو اشوف حظي المتقندل ياهلا بحضرتك عرفينا فيك ياضيفتنا محسوبتك ام مندل بصاره براجه بشوف البخت وبنصب التخت وبشوف اخبار الأخ والأخت
*ابو العبد اه حكيتيلي على جرب شوفيلي بختي المتقندل شو حكايته ام مندل بختك مبخوت على ورق التوت حماتك تموت قول ان شاء ارمي مصاري وشوف الودع كيف يخبرك بالبدع
*ابو العبد اسمعي ياام قردل عفوا ام مندل انا معاي عشر قروش فش غيرهن هههههه شوفيلي شو بيصير تحت الحصير ام مندل هات بوزك ووشوش الودع شو بدك وهاتوه
ـ ام العبد اسمعي انت الثانيه مين هاي ودع يوشوشها ويبوسها تبوسك حيه ام قرون انا يادوب يبوسني شو من هسه بوس ووشوشه مين هاي ودع ام مندل الودع ياختياره هذا الودع تبع البحر.
ـ ام العبد سامع ياابو العبد صحيح اللي جوزها بيقولها ياعوره الناس بتلعب فيها الكوره قومي فزي انا ختياره يافراره الحاره ياادق من المسمار ه
*ابو العبد يافتاح ياعليم يارزاك ياكريم جبناها تشوف حظنا فضحتنا ام العبد ولك طبكي بوزك ولك شلاطيفي ناشفه صار معاي جفاف ونشاف اسكتي خلينا نسمع
ـ ام العبد علشانك بس ياحج ابو العبد اما شغله بوس ووشوش ودع وخالتها بدع بلاش منها بتنرفزني بتخليني عصبيه بنجن.
*ابو العبد طيب عبريني سكوتك شوي ربع ساعه بلاش اسمطك بالباكوره اجيب خبرك وانبلي فيك وانت الثانيه ام سمردل اه اسف ام غرندل ام قحندل ليش اسمك صعب هيك ام مندل اتذكر المندلينا خلص سهل
*ابو العبد اجري بحديثك
ـام العبد سلامه أجرك ياابو العبد
*ابو العبد الله يجيبك ياطوله الروح ولك انقلعي انخلعي قومي فزي من وجهي قلعه تقلعك خلينا نسمع روحي اعمليلي كهوه
ـام العبد طيب ياابو العبد بتزحلكني من وجهك جرحت شعوري كدام ام سحندل هاي
*ابو العبد ولايهمك يام شحندل اتفضلي
ام مندل انا ام مندل ليش مخكم تخين المهم شوف ياحفيظ السلامه وكثير الفهامه الجهبذ العلامه لا عرفت في حياتك الندامه ولا المرض والسقامه بختك مبخوت على ورق التوت عمرك طويل مطول تاتموت فكرك مشغول وبتفكر وكأنك بدارك الغول
*ابو العبد اه هاي يمكن ام العبد ام مندل وفطورك فول وحكيك مقبول ونفسك باكله مفتول
*ابو العبد الله اكبر شو بتفهم حجارتك هاي كملي ام مندل ياولدي الكمال لله انت حظك بيفلق الحجر وبيطلع الشجر
*ابو العبد اساليلي هذا الودع في نسوان غير ام العبد شقر حمر خضر زرق المانيه اوكرانيه يابانيه هولانديه يعني تحسين سلالات هيك قصدي لاتفهميني غلط ام مندل شو بدي اسويلك بحظك المتقندل معطيني عشر قروش بريزه وبدك الودع يروح على أوروبا علشان بريزه وكمان بدك وحده اجنبيه أكثير عليك ام العبد
*ابو العبد هيييه ياام العبد تعالي اسمعي هاي ام البخت مش عاجبتها العشر قروش وبتوزني عليك اتجوز كمان بس انا معيش اتفاهمي معها.
ـ ام العبد تشد ام مندل من شعرها وتمرمطها وتمعمطها وترجع البريزه لابو العبد وتقول دكيكه اروح اجيب الشاي
*ابو العبد ول عروس مش محصلين وتروح البريزه ياعيب العيب.

تابعنا على نبض

مقالات ذات صلة

زر الذهاب إلى الأعلى