اخبار منوعة
اكل الكلاوي وطلب الفتاوي
الحياة نيوز ـ فيصل محمد عوكل ـ هالوه الو هالو الووو .. ياستاذ ممكن اسالك اذا فيه حواليك شيخ بالجريده اساله .. شوه السؤال اللي بدك ايانا ندور على شيخ نساله على ساعه هالظهريه الواحد صايم ومنسطل شوبدك خلصينا علينا شغل ياي لاتكون عصبي على بس انا حبيت اسال.
ـ اتفضلي اسالي خلصيني
*يا ي شو عصبي وبتحب اتعصب لاتعصب علي انا زعلانه من حالي هه
* طيب يا اختي مشان الله شو بدك فهميني
ـ اه هيك معئول الحكي انا سحيت الساعه عشره من النوم ما لئيت حالي الا وانا بالمطبخ عملت ئهوه وشربتها الدله كلها ورحت عملت ارغيله وشفطتها كلها كانت معسل نعنع وليمون هه وفتحت الثلاجه لائيت شاف عصير هفت نفسي على كاستين شربتهم وانا بشرب العصير لائيت الماما حاطه بالتلاجه جاجه مشويه وبطاطا مئليه سخنتهم واكلتهم ورجعت عملت دله ئهوه مره تانيه وشربتها لاني حاسه حالي بعدني نعسانه وشربت الئهوه كلها ورجعت للسرير نمت وما صحيت الا قبل ادان المغرب بخمس دئايئ . فكرك انا مئبول صيامي..
شو اللي بتحكيه انت هيك صايمه يالهووووووووي ياناس مين يرد على هالوليه ها يشو اللغه اللي بدى ارد عليها فيها اكل الكلاوي وطلب الفتاوي.. هالوه الو هالو الووو.
ادب ساخر
