يوميات عزابي ناوي يتغدى *طبق اليوم طبق البندوفش

 الحياة نيوز ـ فيصل محمد عوكل ـ الرجاء عدم التقليد لاني رايح انكد عليه عيشته اللي بيقلد اطباقي ويسرق افكاري الفوق العاده بليز ديروا بالكم وخليكم كويسين. اولا : يسعد مساكم لانه الدنيا والوقت ظهر ومش عارف شو احكيلكم ظهر الخير فاختصرتها مرحبا فيكم واليكم ما حدث فقد شعرت بالجوع وقلت ياولد قوم اتململ بدال ما انت متبطح وقاعد على الجاعد بتلاخم واعملك قلايه بندوره بفلفل حارق خارق مارق فارق بالمخيخ لازق ففتحت باب الثلاجه كاي عبقري بيفتح ثلاجته الفاضيه لانه لايوجد عبقري زنكيل او معاه مصاري هاي نظريه افهموها مثل ما بدكم فوجدت للصدفه البحته بانني كنت في وقت ما خلال العام المنصرم انني كنت متحين واشتريت سمكه كبيره ونسيت اوكلها ونسيت الموضوع لاني بعرفش اصلا انظفها فكيف بدكم اطبخها ووجدت راسين بصل احمر بيجيب السطلان والغيبوبه ريحته بتهبل وبتسطل وبتعمل دوار بصل بدل دوار بحر ووجدت اربع قرون فلفل من القهر احمروا خجلا لانهم مرميين مهملين بالثلاجه المهم اضطريت مكرها انظف الزباله من المجلي وانظفه وهذا ما اكرهه ولكني فعلت ومكره اخاكم وليس نظايفي لاقيت القلايه معفنه سكرت مناخيري وغسلتها ببكيت سيرف وماء ساخن وبالكاد يادوب لازالت ريحتها طالعه تفقدت الغاز وجدت وضعه ممتاز حطيت القلايه وانا بحك بمخي كيف اطبخ قلايه البندوره الملهلبه او اللهلوبه فوضعت فنجان زيت ربما كان خالصه مدته الله اعلم لاني ما بحب اقرا التواريخ واخذت افرم بالبندوره وكدت افرم اصابعي مع البندوره وحمدت الله انني لست امراه والا لكان عمري قصيرا جدا لانني سوف اكون مقطع ايدي وحارق الدار مولعها ولتحول البيت لمكرهه صحيه . نرجع لموضوعنا لانه عيوني بيحكوني من ريحه البصل فاخذت ادعو الله ان يطيل عمر النساء ويعينهن علي هيك عيشه بعد ان شعرت بمراره تقطيع البصل والدموع الغزيره وحرقه العيون وعملت مثل اي شيف رهيب متفنن ورشيت حبه ملح وحبه فلفل اسود وبهارات ورجعت اقطع الفلفل الاحمر نار وانا اغني نار ياحبيبي نار وانا مش ملاقي حد يغنيلي وحظي طلع اقل من حظ قرن الفلفل وما حدى بيحكيلي حبيبي مش مهم انا بحب حالي وبتغزل بحالي لحالي بديش حدا يحملني جميله واخذت البندوره والفلفل تطشطش بالقلايه وانا احرك الجميع وتذكرت السمكه طيب انا ليش طلعتها اصلا واخذت اقلبها وانا لااعرف كيف يتم تنظيف السمك يعني شغله بتقزز العزابي وبتخليه يتجوز وانا مصر على شعار العزوبيه تاج علي رؤوس العزابيه لايراه الا المتجوزين فخطرت في بالي فكره عبقريه انه طبق ساسميه بندو فش وتعني قلايه البندوره مع سمك وسوف تاتي الصين تبوس ايدي اعطيهم الوصفه هاي المهم انني زهقت جدا وانا بقلب السمكه فرميتها بالقلايه مع البندوره الملهلبه وصرت اقلبهم ومش مفرقه معاي المهم بدي اوكل وخلص الجوع لايحب الاتيكيت الجوع يفرض عليك توكل خبز يابس وتبوس ايدك وجه وقفا مابدهاش فشخره على النعمه وطارت رائحه الطبق الخرافي من المطبخ نحو العالم الخارجي وبيت الدرج في العماره وقمت بوضع الوجبه في صحن كبير يشبه الجاط المستطيل تكريما للسمكه التى تمددت بكل ذيلها وحراشيفها وكل ما فيها بتتفعفل مع البندوره والفلفل والبصل الاحمر المصري اذن هو طبق عالمي لاسباب كثيره . اولا البندوره من الاردن الملح من السعوديه البهار الله وحده اعلم من وين وكذلك البهارات صينيه والفلفل من من بلده السخنه الجميله والبصل الاحمر مصري حارق خارق متبخر بالانوف والعيون والسمكه مش عارف ممكن من كوريااو اي بلد ماشفت معها هويه ولا باسبورلما اشتريتها وقبل ان امد يدي للاكل قرع جرس الباب بقوه واصرار فشتمت من يقرع الباب ايضا بقوه فانا لم ااكل اول لقمه وتذكرت جدتي وهي تقول حكمتها العتيقه مابيقيمك عن غداك الا اعدا اعداك واعجبتني هاي اعدى اعداك وتركت الخبزه ونهضت لافتح الباب والعن سنسفيل اجداد اعداء اعداي كما تقول جدتي الله يرحمها فاذا بصبيه حسناء بتهبل هبل الله يخليها لاهلها تقول بادب وذوق بليز بليز اختي جارتكم هون بالشقه امام شقتك بتتوحم ومشان الله تعطينا شوي من نفسها وجوزها بالشغل مش موجود وطبعا انا لااعرف ماذا حدث فجاه شعرت بالشبع والقناعه كنز لايفني ابدا وبكل ادب وحق للجوار احضرت الصحن كله وكما قيل اعطيتهم الجمل بما حمل واخذته وهي تنظر الي وتقول ثن كيو ثن كيو وانا ساعتها يكفيكم شر شو صار معاي انا بينحكالي ثن كيو وبالانغليزي يالهوي ياعالم صرت بدي اروح انتحر باب دار الجيران ولكنني تذكرت انني رجل حمش يحب الجيران ويعطف عليهم وسوف يعرف العالم كله سيرتي العطره وكرمي الاصيل ووجبتي الشهيره البندو فش يعني وترجمتها الحرفيه سمك مع بندوره واخلصنا وانا اللي ما بحب الانجليزي حبيت من كل قلبي كلمه ثنك يوه اه بس لو اعرف مين اول بني ادم حكاها وخرجت من البيت وانا معجب باخلاقي وكرمي الاصيل ونخوتي وشعوري بالسعاده لكلمه ثن كيواخت جارتنا يا الله هاي الكلمه دوختني وذهبت لسوق الخضار اشتري بندوره وبصل وفلفل وسمكه لاعود واطبخ لحالي واتغدي وذهبت باتجاه البيت وكانت قطه تتبعني علي رائحه السمكه فهددتها بانها ان لم تتراجع بانني من الممكن ان اضيفها لطبقي واسميها بند وكات واحسنلك اهربي انا رجال بايعها الدنيا بشلن انقلعي قلتها متوعدا للقطه فانصرفت فشعرت بالانتصار حتى القطط اضحت تفهم لغتي كلها ثن كيو وقبل ان اقترب من البيت رن هاتفي الخلوي انه رقم جارنا فتحت الهاتف وانا اتوقع كلمه ثن كيو يخلف عليك شكرا بالعربي ولكنني سمعت صوت جارنا يصرخ بوجهي قائلا يخرب بيتك نقلنا المدام معاها تسمم من طبختك والله لافرمك فرم لاعملك كفته ومن يومها وانا ماشي بالشوارع احكي قصتي واسال ياعالم هل انا كنت غلطان ومن يومها تحولت لرجل اكره الثنك يو وقلايه البندوره ووحام النسوان بليز هل انا ياعالم كنت غلطان اللي اعطيتهم اكلتي ووجبتي وبندورتي وسمكتي وفي الاخر ثن كيو واتشرد اتفووو على الثنك يو.

كاتب ساخر