ياحكومه بدنا بحر في الزرقاء
=فيصل محمد عوكل =
انا واثق وعارف انه الحكومه بتقدر تعمل كل شيء لما بتحط براسها شغلها بتعملها
صلحت طريق الازرق مائه كيلو
صلحت طريق الصحراوي اربعمائه كيلو
واحنا في الزرقاء في المنتصف في القلب والرئتين
بدنا بحر مثل العقبه او مثل البحر الميت
المهم بدنا متنفس في الزرقاء مثل الناس
بدنا شط
ولكن وكما قال المثل اذا اردت ان تطاع فاطلب المستطاع والحكومه الله يقويها بتقدر تعمل بحر
ااو بحيره صناعيه سياحيه
تلطف الاجواء في الزرقاء وتجعل الناس تنبسط وتفرح
تعمل سد مثلا وتعمل حواليه استراحات بدنا نحس انه في متنفس عنا بدنا متنفس للاطفال
انخنقنا بالصيف بنولع بينسلخ جلدنا وبالشتاء جو برد صحراوي
بدنا بحر ياحكومه وحواليه متنزه وحديقه كبيره
وفيها قعدات حلوه واراغيل وشاي وقهوه ومرطبات خلينا نحس انه المدينه بتستاهل
انها مدينه الازقه والاطفال
والاطفال بدهم يلعبوا
بدهم ينبسطوا بدهم يشعروا بطفولتهم
وياريت كمان يكون مكان لكبار السن كمان
المهم ياحكومتنا الله يسعكم بدنا بحر وحديقه عامه وتنزه يتسع ويكون الجو سياحي
قولو امين بلكي دعوتنا لاقت اجابه
يارب
