اخبار منوعة

تحليل كتاب الكندي في المتحور الهندي تحضير روح ابن سيناء لعله يكون عنده حل

الحياة نيوز .فيصل محمد عوكل . هذا الفايروس لعين الوالدين بنشفه من جهه بيطلعلنا من جهه ثانيه نشف ريقنا وطلع عينا من القهر وخلانا نشحد الملح ونمشي بالمشقلب ونطلع حوالينا ونحكي مع حالنا من اللخمه وما صدقنا والله يهدي الحكومه وتفض موضوع يوم الجمعه وظلت مزركنه ومش راضيه تغير توقيت الحظر بالايام المتبقيه من رمضان خلي الناس تعرف تجيب قروش تعرف تشتري اواعي لاولادها ونسوانها بلاش نلاقي النسوان حردانات ببيوت اهلهن قبل العيد وتولع الطوشات بين النسوان وجيزانهم حول مواعين العيد للأولاد والبنات
وتامين كيلو لحمه للعيد او علبه بولوبيف ليوم العيد من اجل الزفر
فاذا بالحكي يطلعلنا بالمتحور الهندي وحتى الان يقوم الباحثين والعلماء ويتفحصوا كيف تحور وما سبب تحوره وتدهوره وكيف وصل النا واحنا بينا وبين الهند ملا يين الاميال والمحيطات والبحار والجبال وحتى لاتقوم الحكومه ترجع بحكيها وترجع تحظرنا احنا واحنا مالنا علاقه بالموضوع فان على الحكومه ان تقوم بحظر جوز الهند أولا وحظر الهندباء وخلعها من شروشها ومنع الهيل ووضعه بالقهوه كمان ومنع هنادي من الذهاب للمدرسه وتحطيم الأدوات الهندسيه لانها تبداء بالهاء وأيضا ترحيل الهنود الحمر وفحصهم واعادتهم لامريكا بعيد عنا وعدم السماح بوضع اللايكات والاعجابات للاغاني الهنديه ومنع عرض الأغاني والأفلام الهنديه حتى لايقوم المطربين بالتفتفه اثناء الغناء فيصلنا الوباء بواسطه اغنيه ماري منتي جمنا وسوكوسوكو ومنع تدخين الهيشه لانه اوله هاء
ونبات الهالوك أيضا خلعه من شروشه ان وجد عندنا وأيضا خلع نباتات الهوستا من شروشها ان وجدت في بلادنا ومنع تسميه اسم هالا مؤقتا حتى تزول المتحورات الهنديه أيضا ومنع تداول كلمه ياهلا ياهلا لانها هياها جابت النا المتحور وممكن تجيب ابن عمها المتكور والمتنور والمتزنر والمتفنر وشايفها شغله ما الهاش اخر شو الحكايه مش عارفين وكيف بدها الناس ترجع تعيش برضه ما حدى عارف والحكومه شو ممكن تساوي برضه غير الحظر برضه مش عارفه شو تساوي ولاقتها احسن الحلول وانجعها والناس صار ثلثها مجانيين وعصبيين ومتهورين وصار الواحد بيحكي معاك من مناخيره من الطفر والقهر ومش عارف شو يساوي والكل بيدور في دائره مغلقه فارجو من الحكومه او ممن عنده معرفه بالاستحضار باحضار روح شيخ الأطباء ابن سيناء ويشوفوا اذا عنده حل لمثل هيك مشاكل مرت عليهم وحلوها لعل وعسى ان تحل الأمور قبل ما يجينا المتنور الكوري او المتهور الأمريكي وبطلنا نعرف من وين بتيجينا المصايب والله يلطف فينا ويلطف بعباده
ويا لطيف اللطف يارب.

تابعنا على نبض

مقالات ذات صلة

زر الذهاب إلى الأعلى