الحياة نيوز – فيصل عوكل – المواسرجي شغل سيارته بمفتاح بنشر وانا قاعد بمحطه الفضاء كان القطار مدخنه معاه من الزعل وبده يهبط على بركه سباحه بس الفيل اتحرك انطبشت رجل واحد بيجمع موز من النخله بس اللي بيجننك كيف الكلمنتيما بتحكي مع بيت البطيخ و البربيش مفيهوش ميه رغم ان البحر بعيد عنه شوي شغله بتمخول كيف انه العلماء طلعوا قرود للفضاء واحنا داقين بخناق بعض في الأرض وشو رأي الصرصور ومشاعره وهو بيحاول يتحرش بصرصوره زعقت وقالت بيف باف طار ظبان عقله وهرب وكيف اسمه عجل وهو مابيمشي الا اذا ركبته على سياره علشان يستعجل عالم كله مخربط طيب ليش لمابدخن وبنفخ على الأرض بتطلع الدخنه لفوق مجاكره بس عصبت فعست علبه الدخان ولا همني ليش البندوره لحالهاحمراء يعني مستحيه قدام عيدان الذره الصفراء وقلقانه تلطشها الشمس وتذبل بحاول افهم ليش البطاطا دافنه حالها بالتراب وشو عامله عمله وبدهاش حدى يشوفها مثل باقي الخضار المشكله شو شعور البطيخ لمابيطلع بيشوف حاله مرمي عند رجلين النخله بتطلع عليه وبترمي عليه بلح وليش عاملين غواصه تمشي بالبحر تتخبي وهي مابتقدر تمشي بالصحراء شغايلهم العلماء دايما ناقصه يعني ضروري انا اجي أفكر عنهم عالم مش ملاقيله شغله حاولت المستحيل اعمل مكياج الباذنجان ليش مازبط مش عارف هاي شغله بتقهر ليش جوز الهند اله شعر واحنا الجوز عنا اصلع ماله شعر بحاول افكر من أجل تقدم العالم للوراء ايام ماكانت الناس تحب بعضها وهسه شغلتها وعملتها تسب بعضها السمكه الها براطم مثلنا وبتعيش بالميه واحنا بنغرق بالبانيو طيب ليش يعني هي الشغله مربوطه بالزعانف انا معجب جدا وبحترم المنسف لانه ببتاكل باليد غرف مابزبط بالشوكه هاي كثير معجبتني الشغله عشان مايوكلوه تبعون الاتيكيت والبريستيج اكثر شغله معجبتني انه بالسلطة بالطحينه كلها الخيارات بتتقطع مع البندوره والسؤال المحير ليش مابيعملوا زرب بندوره بدال اللحمه وبنوكل بندوره مشويه . اليوم شفت قطيع غنم مبرطع فرحان على الآخر و بيرقصوا على صوت الشبابيه لانه سنه العشرين كانت كلها حظر ومافيها زرب ولا هش ولانش ومسكره كل مطاعم العالم معهم حق يفرحوا جيت ارقص جنبهم نطحني التيس و لحقني الكلب بيفكرني بدي اسرق خاروف زغير مافيه حد فاهمني حتى انا صرت مش فاهم كيف بيفكر العالم محدش ماخد منها حاجة.
