اخبار منوعةهام

طالع مع حالي نحتفل بعيد الحب ياحكومة

الحياة نيوز- فيصل محمد عوكل -نهضت منذ الصباح الباكر وانا افكر متى كان للحب يوما واحدا في السنه وكانه معرض منتوجات سنويه تباع به الأشياء الحمراء كالورد والدباديب والقمصان والبنطلونات الحمراء وننسي الأهم وهل نحن نعلنها عطله طول السنه عن الحب ونفتح دكانه العواطف فقط اليوم لهذا لم اقتنع ولكن لان التقليد اعمى ولا بيشوف عوجه رقبته قلت ياولد اذا انجنوا ربعك عقلك ما بينفعك وقررت اطلع وتفاجات ووقعت بحيره واخذت اضحك من كل قلبي فانا لم اجد من اشتري له دبدوب او علبه مناكير او ورد او البس قميص احمر وبلشت افكر مع مين احتفل فاذا بحالي يعني نفسي تحدثني قائله شو رايك تطلع انت وحالك وتدردشوا مع بعض وهيك انحلت المشكله فاعجبتني الفكره اطلع انا وحالي ونشوف شو بدنا نساوي فقمت متنشطا فحلقت لحيه حالي وعطرت اواعي حالي وطلعت حاطط ايدي بايد حالي ونتوشوش وين بدنا نروح اجت حالي حكتلي وين رايح منت طفران والجيبه مخرومه ولابس كمامه اقعد عاقل تعال نروح انا واياك نوكل ونفطر ونفكر مع بعض اعجبتني الفكره فكره حالي ووافقت ورحنا مع بعض انا وحالي وطلبت صحن فول واحد وخمس حبات فلافل وصحن فته واكلنا وانبسطنا انا وحالي واخذنا نكزدر بسقف السيل انا وحالي وحالي مبسوط علي الاخروقعدنا نتشمس بس الدنيا كانت برد اشتريت لحالي لانها بردانه جاكيت من الباله بليرتين ونص شكرني حالي اني دفيته واشتريتله جاكيت فقلت الناس كلها نازله تشتري كل شيء احمر وبتحتفل .
قال حالي اللي اسمع انت شايف دعم خبز الحمد لله الحكومه وقفته دعم ثاني مافيه والدنيا قايمه قاعده والحكومه مش عارفه شو بدها تساوي مستحيه تحكيلنا انظبوا واقعدوا ببيوتكم لانه الميزانيه ربنا وحده عارف نتيجتها والحظر تحت الطاوله وقاعدين بيدرسوا فيه واحنا بنستني الحصيده نقعد بالدار محظوريين لاشغل ولا مشغله والطفر مش محبوب ولا مرغوب واجت موجه البرد تكحلها معنا علشان نتكركب اكثر وبدنا كاز للصوبات وغاز نعمل شاي وشعرت بان حالي بتناقشني عن حالها وبدها تعيط وتمزع اواعيها فاقنعتها باني مش ناقصني اليوم نكد هذا يوم الحب وشراء كل شيء احمرفقعدت اتشاور مع حالي شو نشتري حتي نعبر عن حالنا انا وحالي بعيد الحب فاجا حالي جرني من ايدي للدكانه وحكالي اشتري علبتين كتش اب وعلبتين عصير بندوره وعلبه شطه حمراء فدفعت ثمنها وانا بضحك وبتوشوش مع حالي واجا حالي نتشني من ايدي وحكالي تعال الحقني خلص بلاش كسل ونياطه ورحنا على سوق الخضره حكالي حالي اشتري اربعه كيلو بندوره حمراء اشتريت حكالي اشتري ضمتين فجل احمر اشتريت حكالي اشتري ثلاثه كيلو شمندر نسلقهم بالليل ونحتفل عملتها واشتريت ونص كيلو تفاح احمر كمان واجا حالي صار يضحك علي وحكالي اسمع شايفك عينك على العنب الأحمر وخايف تشتريه خوف تمشي علي الحديده وعلي الجنط ابتسمت وحكيت لحالي صحيح فقال حالي لي اسمع مهو عيد حب اشتري كيلو كستنا حمراء خلينا ننقلع على الدار ونولع الصوبا الفوجيكا الحمراء وتشعشع نارها الحمراء ونشوي الكستنا الحمراء ونقعد نستني موجه البرد وقرار الحكومه بالحظر وعنا اشي نوكله ولك الفقير الطفران مابيطلعله يحتفل انقلع اقعد بالدار واشتري اكم ربطه خبز بلاش تموت من السقعه والجوع وما تلاقي حد يدق باب دارك يتفقدك قال شو عيد حب قال ياخيبتك اضحك علي حالك هاي صابني انفصام ياحكومه من كثر الطفر والحظر مبسوطين هيك.

تابعنا على نبض

مقالات ذات صلة

زر الذهاب إلى الأعلى