آراء وكتابهام

“مظافة” مدام جزعة هانم ..الحركة بركة والشغل مش عيب

الحياة نيوز – اليوم كنت زعلانه ومش طايقه حالي من جارتنا بتنق علي اني عامله مشروع وشغل فقلت اخذها علي قد عقلها واعزمها واتناقش معها احسن واعرف ليش متعقده وان كانت عندها عقد ولا هي الشغله غيره ونكد ونفسنه فرحت عازمها علي قهوه وقعده ونشوف كيف الدنيا وندردش ونفضفض عن حالنا وكانت العزومه فقط محدده لجارتنا النكديه ام مفتاح لانها دايما مشنكله المفتاح بعلاقه وبتخشخش فيه وكانه الناس نايمه بمغاور او بالجبال وهي الوحيده اللي عندها بيت وللعلم كمان انه بالايجار يعني شغل عنطزه بني ادميين وضيقه عين وانا مسميها ام عين ضيقه ومخ مسكر وجلست انتظر حتى جلست السيده ام مفتاح وقلت لها يامدام فتحيه شو اعتراضك وليش منجكره من شغلنا انا وجارتنا بالشغل والدنيا بدها = وياستي احنا بنسمع وبنعرف بانه الحركه بركه = والشغل مش عيب = وشومذايقك انت وشو اعتراضك بتنقي علينا وخلينا نعرف وجهه نظرك وانتفضت من جلستها وقالت عيب عيب تسمعيني حكي وانت عازمتيني علي القهوه قلت انا لاسمح الله ما بهدلتك انا بسالك بس سؤال والسؤال ما حرم يابنت الحلال قالت مهو انا قصدي انه جوزي حبيبي ما بيحب انا اشتغل وبده ياني اظل قاعده بالبيت واشتغل بالمطبخ وازبط الدار واهتم فيها ويمكن بغار علي وهزت راسها بطريقه ملفته للنظر وكانها تريد ان تزيل خصله شعر نازله على عينها ونسيت انها لابسه أشار واصل لحد عينها.
قلت يامدام الشغل مش عيب والدنيا بتطور والنساء وصلت للفضاء والنساء صارت رئيسات وزراء وبيسوقوا سيارات وسفن ورائدات فضاء وما الهم بعقليه جوزك ولا بعقليتك انت حره انت وجوزك هاي شغله خاصه فيكم ليش احنا متضايقه منا وبتنقي
فقالت المدام المدام فتحيه لا انا مش متضايقه ابدا بس وجهه نظر وما بدي تزعلي يعني كلمه وحكيتها وبس ما كنت اقصد فقلت لها.. يامدام الكلمه مثل السكينه بتجرح والشغل مش عيب وبدنا نعيش وجوزي كمان بيغار علي وبيحبني والحمد لله عايشين وبنساعد بعض وسفينه الحياه بدها دفشه مش مناكده ولا مناكفه واذا فيه بنفسك شغله علي احكيلي إياها فلاذت المدام فتحيه بالصمت قليلا وقالت مهو انا بديش تزعلي مني وبديش ازعل جوزي مني قلت انا مش فاهم عليكي يامدام شو بتقصدي قالت المدام فتحيه احكيلك بصراحه والله انا نفسي اعمل مثلك بس جوزي عقله خشبه و هاي أفكاره وبدهوش انا اشتغل وانت الحمد لله مبسوطه وبتتطوري وكل جاراتنا بيحكوعنك انك شخصيتك قويه وممتازه وكلك حيويه وانا جوزي كابس علي انفاسي مش مخليني اتنفس واعمل مثلك مشروع أعيش فيه واساعد جوزي اللي صار يستدين من اهله ومن حجاره الجبال لانه معطل عن الشغل ووضعنا صار مش مريح ماديا وانا مش عارفه شو بدي اساوي وهاي اللي صار يامدام جزعه هانم ولا تزعلي مني قلت لها اسمعي يامدام فتحيه الله يسعدك هذا مش مبرر تشتغلي فينا بلسانك بامكانك تيجي عندي وتوضحيلي بكل بساطه عن الموضوع ويادار ما دخلك شر قاطعتني وقالت يامدام جزعه هانم انا اسفه وهياني فتحتلك قلبي وحكيتلك لاتزعلي مني ونفسي اعمل مثلك واساعد جوزي.
يامدام جزعه عندك شغله هيك او مشروع نعيش منه ونستفيد قلت يامدام فتحيه اسمعي عندي فكره الك كونه جوزك عقله خشبه وغيور ونكدي اعملي مشروع صغير على قدك علي النت لجاراتك واحنا اللي بنلاقيه مناسب بنشتريه منك ويادار مادخلك شر ان جبتي اواعي أولاد زغار او شامبو او ملاقط غسيل او ايشاربات او أي شغله وهيك بتكوني قدرتي تمشي خطوه من دارك لجارتك وحارتك والرزق على الله.

تابعنا على نبض

مقالات ذات صلة

زر الذهاب إلى الأعلى