انطسينا عين .. خرزة زرقاء لكل مواطن

 الحياة نيوز – فيصل محمد عوكل – يبدو بانه احنا انطسينا عين من يوم ما اعلنت الحكومه انه احنا نشفنا الكورونا وقرقدناها وخلصنا منها وكل شيء رجع لحاله كل الدنيا بحلقت فينا كيف هذول قدروا ينشفوها ويخلصو منها وهذا الحكي ما بيعجب بعض الناس المتكركبين في كافه ارجاء العالم ونحن نعلم بام هناك دول عيونهم زرق واسنانهم فرق وهظول طستهم للعين بتجيب التايهه وبتقلب البعير في القدر وبيصير مشاوي على الصدر والحكومه انتبهت لكل شيء ماعدى ان تصرف لكل مواطن خرزه زرقاء ضد العين من الكورونا او تطلب من المواطنين كمامات زرقاء تطرد العين والحسد كمان واللي محيرني جدا كيف رجعت الكورونا بعز الصيف وبعز موجه الحر اللي خلتنا نتحمص مثل اكواز الذره او مثل الكباب ولانني مش عارف كيف هذا الكورونا بيتقلب وبيتشقلب وبيمشي هاي بتخليني افكر بشرب اكبر كميه من الميراميه مما جعل احد الاصدقاء يقول لي يارجال كثر شرب الميراميه بيخليك تصاب بامساك دير بالك فخفت ان اصاب بامساك خاصه ان الدنيا كلها ماسكه ببعضها والطفر وقله الزفر ماشاء الله موجودة وشرب الميراميه ما بيطفش الكورونا والحكومات مابتخاف من العين والحسد لانهم مابيكورونو ولا بتصيب المسؤليين كمان وشوف وهل سمعت مثلا عن مسؤول في العالم لقطته الكورونا وانحجر ووقف شغله وسكر دكانته مثلا او سكر مصلحته لانه الحكومه ما بتشتغل مثلنا مواسرجيه او دكنجيه او كهربجيه او خضرجية او حراثين او دراسين وبيلمو خضره بعز الحر او عاملين بسطه على رصيف. وحتى في الانتخابات النيابيه بعملوا خيم كبيره وحلوه وبيكندشوها وتعال شوف العصير والكولا والمناسف والكنافه لانهم كسياسيين واصحاب قرار بيتعبوا مش مثلنا لانهم بيشغلوا مخهم بيستهلكوا فوسفورويجب ان يكونوا وضعهم النفسي رايق جدا جدا حتى تكون القرارات فايقه رايقه طالعه من اعماق المخيخ مش مدربكه مش قرار محروق من المشي بالشمس لازم تكون القرارات مكندشه منعنشه ملفوفه بورق نظيف معطر كمان واحنا كمواطنين بنشغل معدتنا بيكفينا سندويشه فلافل مع شطه وبنمسح ثمنا بعدها بورقه دعايه المطعم وهيك خلص والحمد لله وهذه الكورونا بحاجه لعيون حكوميه مفتحه ومبحلقه حتى تقدر تعرف تشوف وين الكورونا وكيف بتفكر وكيف تحكي معها وتتفاهم معها بلغه كورونيه قد تجعل الحكومه تقرر ان تحولنا نحو الدراسه الالكترونيه لمكافحه الموجه الكورونيه فالشغله بدها تكتيك وعقل فهمان واحنا طول النهار بنطقطق مسجات وبننتقد الحكومه ودورها وهذا سببه عدم معرفتنا بالفرق بين التكتكه العقلانيه الحكوميه وبين طقطقتنا كمواطنين ولو على تنكه او قاع طنجره والمهم عندي كمواطن واكاد اصاب بانفصام بالشخصيه شيزو فرينيا لكثره القرارات خوفا من الكورونا وهل الدراسه عن بعد يعني الدراسه الالكترونيه ستنهي الموجات الكورونيه حيث سيكون كل مواطن معاه لاب توب وماشي يحكي مع حاله بالامس غيرت كل استراجيتي بالاكل والشرب من ورا ام الكورونا وصرت اشرب بدل القهوه والشاي يانسون وما حدى حوش بتعرفو ليش بلكي نسيت الموضوع وبطلت افكر بهذا المقرود اللي اسمه كورونا اللي كركب عيشتنا حكومات وشعوب.