خلص بدناش قروشكم فكوا برنامجكم عنا جلطونا

الحياة نيوز . فيصل محمد عوكل  – لليوم الثاني وتحطم النفسية علي اشده والسبب برنامج وروابط الحكومة من اجل حفنة قروش الخبزات بالامس كانت لي مغامرات الى ما بعد منتصف الليل وحتى الواحده والنصف صباحا وطلع البرنامج شطب وكاد ان يصيبني انهيار عصبي.

وقررت ان لااعود لهذا الموضوع ولو كان بديل الخبزات مليون ليره عصمليه لاني محروق دمي خلقه قبلنا بالبين والبين ماقبل فينا بعدين بهالشغلة الناس تكاد ان يصيبها جنون من الحظر والبقاء في البيوت وقلنا الحمد لله بننضب وبنقعد عاقلين والسلام كلها اكم يوم وبيمروا وكلنا امل احنا مش سائلين عن الكورونا احنا كفيلين نجنن مليون مليون كورونا ولكن ان يقوم بتجنينا ورفع ضغطنا برنامج الخبزات هاي ماكانت في بالنا ولا خاطرنا احنا حطولنا برنامج يحتاج الى جيتس وعظيم مبرمجين العالم ليحلوا لنا دهاليز الدخول في برنامج الخبزات وكلما حاولنا تجاوز عقبه خرجت لنا الف عقبة. ونحن لسنا خبراء برمجه الكترونيه ولسنا خريجيين جامعات متخصصين بشؤون البرمجه وكلمه السر والرمز البريدي والرمز الالكتروني ببوس ايك ياحكومة خلص اعلن التوبه النصوحة بانني لن اعاود الدخول لطلب دعم الخبز وامري الى الله والعوض علي وجه الكريم وهي ماوقفت علي دعم الخبز هيانا قاعدين طفرانيين ومش مهم ما وقفت على اكم قرش دعم الخبز ببوس ايديك ياحكومه خلص تبت واعلن توبتي ما بديش اياهن خلص ان من قام بعمل برنامج دعم الخبز كان يعرف تماما بانه لن ينجح احد بتجاوزه ابدا لهذا وجدنا بان المتقدمين لدعم الخبز الاف الموطنيين وليس خمسه ملايين مواطن مثلا وهذا دليل واضح على الذكاء. نحن مواطنين بسطاء جدا جدا جدا افهموها يادوب تطلب منه اسمه ان ظل الواحد متذكر اسمه وتطلب منه رقمه الوطني والباقي كمبيوتر الحكومه بربع دقيقه بيجيب الباقي وبيجيب سنسفيل معلومات اهله وخلصنا اما متاهة هذه البرامج بدناش اياها هاي اسمها التفنين في علم التجنين لهذا خلص بديش تدعموني خلوني بحالي احسن وخلص بطلت واعلن توبتي عن طلب الدعم خلص تبت تبت توبة نصوحا خلص. فشلت وفشل الاتصال بصديق واكثر من صديق طيب ليش هالتعجيز خلص هي كلمه من الحكومه معناش مصاري او بدناش ندفع احنا المواطنيين بننطم وبنسكت وخلص وكل اللي رايح يصير انه ممكن اكم ختياره يطسوكم دعوه وخاصه بشهر شعبان وشوفوا عاد الدعوات بشهر شعبان وقرب شهر رمضان وشوفوا دعوات الطفرانيين المحشوررين ببيوتهم ليله الجمعه ويوم الجمعه ويوم السبت بيكونوا متفرغين يدعوا علي اللي كان السبب وعمل هيك برامج تجنينيه للمواطنين فياحكومتنا الرشيده انتو عارفين انه الشعب طيب وحنون ونصف المواطنين ويمكن اكثر طفرانين وعلى باب الله. والعارف لايعرف اعطوا الدعم لكل بيت عنده دفتر عيله باختصار وبدون عقد نفسيه تسببوها النا لاني خايف عليكم من دعوات الختياريه اللي قاعدات في الزوايا للبيت مسبحتهاخمسه متر تيجكم دعوه منها بشهر شعبان تطير الحكومه والبرلمان كمان واسف علي عدم تكملة الموضوع ارتفع ضغطي وهسه الدنيا حظر وبقدرش اروح علي دكاتره ومعيش كمان تامين صحي علما بانني من مواليد سنه الثلجه الكبيرة اللي اجت بعدها سنه الجراد والهجة لما كانت الليرات ذهب مش كرتون.