محليات

بليز .. ام عفريتكوش في خدمتكم

الحياة نيوز – فيصل محمد عوكل – يوميات مدام جزعة هانم .. ان شاء الله اتكونوا بخير وسعادة وفرح ويبعد عنكم ارتفاع الفواتير وكل شر مستطير ويبعد عنكم رفع اسعار بنزين الحناتير- اليوم صبحت مصحصحة قلت اروح اكزدر اغير جو واروح ادور على شغلات من سقف السيل انتيكات واشياء ديكوريشن للبيت وكنت بكزدر بسقف السيل وانا مبسوطه على الاخر بياعين ورد بياعين لحمه بياعين خضار مطاعم شعبيه بياعين لكل شيء بياعين باله بياعين غرفه نوم من ايام نابليون بونابرت وغرف نوم شغل حديث من افخم غرف النوم الحديثه وهواتف حديثه ومشطوبه انه سقف الدهشة . المهم لقيت ختيار مبسط وقاعد على كرتونه وقدامه ابريق شاي نحاس عتيق يمكن تركي او ما بعرف شو جنسيته مطعوج شوية واخذت اساوم الرجل العجوز فباعني اياه بلا تردد بليرتين وقال هذا ابريق نحس ما حد راضي يشتريه المهم اخذته معي للبيت وانا مبسوطه وبكل سعاده عدت للبيت وعلى المطبخ عشان اغسله وازبطه وفتحت الحنفية واخذت اشطف بالابريق بهدوء واليفه بليفه اسفنج وبينما انا منهمكه بالتظيف سمعت صوتا مختنقا يبقبق من تحت الماء يقول شبيكبيك بيك لبيككك بيك بيكككك فصرخت صرخه مدويه تخيلت ان سقف المطبخ سيسقط على راسي.
وبما انني نثرت يدي طار الابريق وحط على الارض بقوه وخرج منه دخان وخرجت منه سيده رشيقه لابسه احدث لباس موضه قبل الف سنهوهي تقول شبيكي لبيكي خدامتك بين ايديكي فبقيت واقفه واسناني تصطك من الخوف وانا انظر اليها ولا استطيع الكلام حتى قالت ليش خايفه منى احنا نسوان زي بعض ليش خايفه منى قلت وانا ارتعد اه اه يا اختى وشو جابك في الابريق جاي تتخووثيشس علي قالت انا عفريته من ايام زمان بس راقيه وحنونه ومتعلمه كمان شبيكي لبيكي خدامتك بين ايديكي بدك عطر مكياج اواعي تجميل نفخ شفط انا جاهزه على الاخر انتى اامري وانا جاهزه وانا انظر لها دون كلام فاتمت العفريته حديثها قائله وعنا خدمات اخرى نخلي جوزك مثل الخاتم بايدك ولا بيهش ولا بينش ولا بيتخنفس بثلث الثلاثه كم جاهزه طاله من الابريق متنشطه احكي خلصيني بدي اشتغل بدي احرك الدوره الدخانيه عندي انشطها ولانني وقد انعدم التفكير عندي وانعدم التركيز تماما لاادري لماذا اضحيت اهلوس بالسياسة.
فقلت بتقدري تكافحي الفساد اجابت ياسلام عليكي انتى تامري وانا بنفذ انا انحبست جوا الابريق لاني اصلا فاسدة وكانوا يمسكوا الفاسدين يضعوهم في قماقم واباريق ويقذفونهم بالبحر او عمق الصحراء لانهم مفسدين في الارض وانت انقذتيني فقلت دون وعي ياحبيبي زدنا المفسدين عفريته مفسده خليها تزبط فقالت شوها الحكي انت ما رحبتي في ولا عزمتيني على قهوه ولا ضيفتيني كمان شو حكايتك بخيله ولا طفرانه قلت لا خايفه من الفساد اجابت ولا يهمك الشغله بسيطه وجلست واياها نتحاور فقالت انا رايحه اكرمك واسمع منك على الاخر بثلاث طلبات بس فقلت شوب تحكي ان شاء الله بدك تظلك عنا اجابت لا ياحبيبتي ما النا عندكم مستقبل انتو عندكم فساد لايقدر عليه الا ربنا بس.
لانه وراء كل فاسد الف الف فاسد افسد منه يوقفوا معاه وهؤلاء محاسيب الفاسدين وهم من يحميه ويخرج لاجله ليدافع عنه فلا تتعبي نفسك الشغله مش شغله فاسد الشغله مين وراه بيشجعه وبيستفيد منه ومتنعنش من وراه ومستعد يخدمه ويموت لاجله ويحرق الدنيا علشانه واحنا بعالم العفاريت عنا قانون بيلقطوا الفاسد اولا وبيتركوه وبيشوفوا الواسطات اللي بتسال عنه تطمن وبخلوهم يطمنوا بعدين بيغفوهم كلهم دفعه واحده وبيحطوهم بقماقم وبيرموهم بابار عتيقه وبيطمروهم او بالبحر حتى لايعود الفساد ابدا فهم يجتثونه اجتثاثا دون تردد او خوف والقانون هو الكبير فقط وكل من يتخنفس بيترفشو ببطنه حتى تطلع روح اهله فانا مثلا كعفريته فاسده في عالم العفاريت كنت اشغل قرايبي كلهم وخاصه المشكلجيه والبلطجيه وناس ثانيين كمان قد حالهم عشان اقدر اتحرك والزلمه ابن المره يقدر يقرب مني بيوكلوه جماعتي وانا قاعده ما الي علاقه وهيك احنا اقنعنا الفراعنه يساوو هيك ويتفرعنوا واقنعنا الناس توكل بعض فقلت عفوا يامدام ما تعرفتش عليك انت شو اسمك بعالمكم العفاريتي قالت بفخر يخليلك اولادك ابني البكر اسمه عفريتكوش شاب نشيط قره عين امه وابوه ولد رضي.
بيشتغل بالسمسرة بالواسطة بالدخان بالتهريب بالبلطجة لانها كلها سوقها ماشية دنيا ما تاسفي عليها الناس تنبلت فقلت لها طيب انا بدي انحل مشكله الفساد ممكن اتفهميني قالت لا ارجوك ارجوك بلاش تحكوا عني ارهابيه او تتهموني بتهمه ما بعرف من وين تطلعولي اياها خلوني بحالي فقلت لها ارجوك مدام ام عفريتكوش حديث وفتحناه خلينا انلاقيله حل يخليلك اياه بدنا حل جذري للفساد فحكت شعرها الساحل وزبطت النظاره على راسها وقالت طلب واحد ما ترجعي تطلبيني ولا تساليني مفهوم قلت نعم حاضر قالت هناك حل واحد لاغير – ان يقف الوزراء مع بعضهم بعضا وقلبا واحدا وهدفا واحدا وان يتزنروا بالارادة وكل من يلقطوه فاسد لايرى النور للابد وكل من سئل عنه فهو افسد منه وهو نصيره وحليفه ومستفيد منه بطريقه او باخرى ولا كبير فوق القانون وان تحمل الحكومة قنوه لتكسير الرؤوس الكبيرة التى تهدد وتتوعد الحكومه ان امسكتم فاسدا فهؤلاء هم المفسدون في الارض وهيك خلصت مهمتى باي باي مدام جزعه اشوفك على خير واختفت ام عفريتكوش ما ازعلني بالموضوع انني كان نفسي تجيبلي طقم اواعي فاخر وشويه اطقم مكياجات واكم طقم عطور واغير طقم الكنبايات وطقم السفره وغرفه النوم والسياره وتشوفلي دار جديده بحي يكون راقي نغير البريستيج.

تابعنا على نبض

مقالات ذات صلة

زر الذهاب إلى الأعلى