يوميات واحد فاقعه معاه ” اخ بس لو كنت نائبا لاريتكم حجمكم يامواطنين

الحياة نيوز . فيصل محمد عوكل-
لو كنت نائبا لكتبت الكثير الكثير عنكم واحدا واحدا وما ذا فعلتم بانفسكم وماذا فعلتم معنا عارفكم واحد واحد وصوركم عندي ولانني لست نائبا ومواطن مشحر متنيل على عينه ولاني من القهر رايح افقع منكم قررت ان اتقمص دور نائب وشخصيه نائب لاشرشحكم واوريكم حجمكم جننتونا.
اولا – انا لم اولد نائبا وانتم من انتخبني
=2 ماحدى ضربكم عل ايدكم تنتخبوني.
=3 انتم من شجعني وازرني
4= انتم من حمل بطاقته ودفتر عائلته وراح يركظ ينتخبني وبعضكم طلق زوجته لانها لم تنتخبني ولا نسيتوها كمان
=5 انتم لم تنتخبوني لسواد عيوني ولا لشقار شعري الساحل
=6 انتخبتوني عشان اتوسطلكم هون وهون حتى قززتوني عيشتي وكرهتوني بالدنيا كلها
=7 ليش هسه اصحيتوا فجاه ونازلين سلخ بجلدنا
=8 لولا العيب لافضحكم وانشر صوركم وانتوا نازلين لهف مناسف بخيمتي اللي عارفيينها بلاش تخويث عيب اللي بتعملوه
9= ما ظل وظايف عملنا وظايف للحيطان المايله وما ظل فلس بالخزينه من وراكم
=10 صوركم وانتوا نازلين تشربو عصير وتتمزمزوا عليه موجوده عندي مع فيديوهات كمان يا اذكياء على مين بتتخوثوا
=11 صوركم وانتو نازلين تتصوروا معاي سلفي وبتبعثوها لقرايبكم موجوده عندي بس محترم حالي ومحترمكم
مش حابب انشر غسيلكم
=12 ايديكم اللي بترفعوها وبتشاوحو فيها هي نفس ايديكم اللي كانت اتسلم علي وهي نفس ايديكم اللي كانت توكل مناسف وبرضه هي نفس ايديكم اللي كانت تؤشر وتقول صب اللبن هان على المنسف وهاي نفس ايديكم اللي كانت تتمزمز على العصير وتدخن سجايري الاصلية السوبر
=13 انا عارفكم من يوم ما انولدتوا واحنا عارفين بعض بلاش تفرط معاي واشتغل فيكم تراها صارت مقبعه معاي.
=14 شو صار عندكم انتر نت هسه وصرتوا تعرفو تكتبو وتعبروا عن حالكم طيب مهو انا كمان عندي انتر نت وبقدر احط صوركم كلكم وانتوا ملزقين فيي وبخاصرتي ونازليين وشوشه بنبوس ايدك ابنا فلان وابن عمنا علان بدنا اياه تشغله.
=15 هسه صرت مش عاجبكم – طيب ليش بتيجوا تسهروا عندي بالليل بالسرقة ياكذابين وبالنهار بتعملوا حالكم سياسيين وانتو ما بتعرفوا خمسكم من طمسكم.
=16 انتوا ما بيلزمكم اصلا برلمان ولا نواب.
=17 لانكم مش عارفين شوبدكم وبتحداكم انكم تعرفوا شو وبدكم غير الوسطة
18= عيب عيب عيب اللي بتعملوه ما بدهاش مرجلة كذابة انا عارفكم وبديش احكي .. لو بدكم قانون وبتحبو القانون كان الواحد على الاقل يسوق السيارة ويحترم قانون السير.
ولا يحترم حتى الطابور باب الفرن بتعملوا الف طوشه وكانكم شيوخ دراويش والناس اتباع طريقتكم العجيبه بالنطوطة.
19= بتيجو انتو بتمثلوا علي بانكم ماكلين هواء وناسيين انه سياراتكم واقفة باب داري وشو موديلاتها صدقوني هالحكي عيب.
=20 لما بيصير واجب بتتبخرو وبتعملوا حالكم ميتين ولما بتصير عزايم ما بتتاخروا وبتكونوا باول الصفوف وبترفضوا الارتداد والهزايم.
=21 انا عارفكم مثل حليمه ما بتترك عادتها القديمة ولا بتقدروا تطوروا والحمد لله ما بتتقدموا شاطرين بس تتاخروا.
22= واحدكم اليوم بيتوظف ثاني يوم بيشتري بكب يشتغل عليه بالإجازة.
23= بيتوظف الواحد منكم بيشتري سياره وبيظل مديون للبنوك سنين وبيسرفس على سيارته الخصوصي وبيسب علينا ليش شو دخلنا بتفكيرك وعقلك التخين.
24= طول النهار قاعدين باب الدكاكين او باب بيوتكم او على الحيطان تتبصبصوا على بعض فلان اكل ولا ما اكل شرب ولا ماشرب شو لون سيارته من وين جاب سيارته من اجا عنده ضيوف شو طعماهم. شو قاعدين بيحكوا عنده الضيوف انتم فضوليين ماعندكمش وقت للتفكير بشيء ايجابي ابدا وبتموتوا لو فكرتوا بطريقه إيجابية وبيصيبكم تسمم ثقيوميات واحد فاقعه معاه