الرئيسية / آراء وكتاب / د. الهزايمة يكتب … الأطباء بستاهلوا الضرب !

د. الهزايمة يكتب … الأطباء بستاهلوا الضرب !

الحياة نيوز- د. احمد الهزايمة

الاعتداء على الكوادر الطبية / جزء 1

يا قرابه … يا ابن عمي … يا ابن خالي … يا صديقي … يا اخوي … ممكن تفهمني كيف بتمد ايدك او بترفع صوتك على طبيبك, هالانسان يلي دافع نص عمره دراسه وتدريب عشان يعالجك ويعالج اهلك, يلي بتلجأله وانت بأضعف حالاتك اللي ما بتحب حدا يشوفك فيها, يلي بتأمنه على اسرارك الشخصيه والمرضيه, يلي بتامنه على شرفك وعرضك وصحتك, بفحصك , بفحص مناطق من جسمك ما بتخلي حدا بالدنيا يشوفها , بتخليه يفحص امك واختك وزوجتك وخالتك وعمتك, وانت بتكون من داخلك متاكد انو حافظ للسر والامانه وبعاملهم كانهم اهله, وبقدملك الخدمه بكل امانه وصدر رحب بغض النظر عن حالته المزاجيه والنفسيه او التعب الجسمي يلي بكون فيه.
تعال معي اشرحلك واوضحلك المشكله بالتفصيل

// جزء 2

معظم من يعاين المرضى هم من الاطباء المقيمين, وهذول وضعهم كالتالي:

نخبة المجتمع وصفوة الصفوة , يعني ما في حد عنده صبر وجلد وطولة بال اكثر منهم , ولا حد عنده قدره ذهنيه يتحمل كل هالضغط اكثر منهم, يعني باختصار هذول ثروة حقيقيه لازم المجتمع يهتم فيها. باوروبا حاليا الاقبال عدراسة الطب قليل لانه ما حدا بحب يضيع احلى سنوات عمره بين المرضى وداخل المستشفيات.هون عنا الاطباء اشطر واحسن من غيرهم وما بدهم اشي الا تعاملهم كانهم اهلك.

سنوات دراسه وتدريب طويله / يعني المقيم يلي بشوف المريض يتراوح عدد سنوات دراسته بين 8 – 13 سنه, خلالهم ما بشوف غير كتب ومرضى, يعني بالوقت يلي حضرتك بتكون طاش فيه , طبيبك بكون بدرس وبتعلم عشان يسهر عراحتك اذا مرضت.

ضغط العمل الرهيب / مثلا خلال 5 سنوات اقامتي امضيت 19400 ساعة عمل داخل المستشفى بواقع 84 ساعة اسبوعيا ومناوبتين اسبوعيا (36 ساعه متواصله داخل المشفى), يعلم ربنا شو شفت فيهم من تعب وقلة حيلة وقلة نوم وتعامل سيئ.

حسب احدى الاحصائيات فان نسبة 40% من الاطباء يعانون من الاكتئاب والقلق// اكيد اله دور في التواصل والتعامل مع المرضى.

قلة المردود المادي, يعني الطبيب المقيم باحسن احواله بوصل راتبه 800, طبعا في ناس اقل وفي ناس ما بتوخذ راتب اصلا. تخيل انو بهل المبلغ بده يفتح بيت ويتزوج ويشتري سيارة عشان ما يتأخرش ع مريضك, واذا قصر في مناسبة اجتماعيه ما حدا برحمه و بتهموه انو متكبر وشايف حاله, واذا راح يخطب عروس حدث ولا حرج عن الطلبات اللي مالهاش نهايه بس لانه طبيب. باختصار الطبيب المجتمع جنى عليه وحطه بوضع اجتماعي صعب وبالاخر بطلب منه اكثر من استطاعته.

جزء 3 // خاص للمرضى ومرافقيهم

اخي الكريم , المستشفى مكان لتلقي العلاج, يعني في ناس بتطيب وفي ناس بتموت وفي ناس بتتحسن حالتها وفي ناس بتسوء // هالحكي مش معناه انو الكادر الطبي مقصر, يعني اكثر مسبب للوفيات بالعالم هو حوادث السير والجلطات. فاذا مريضك اجا بوحده منهم لاسمح الله وتوفى فهو بتكون حالته من الاصل حرجه ولايمكن تقديم شي علميا له.

اي حدا بيجي على مستشفياتنا بلاحظ انو عدد المرافقين كثير كبير , ووقت زيارتهم طويل , وكل واحد منهم بوخذ الطبيب ع جنب يستفهم منه. صدقني يا قرابه انو الحكي نفسه وانت بس بتضيع وقت الطبيب وبترهقه, وقانونيا فقط المريض من له حق الاطلاع على تفاصيل حالته.

ما في داعي للبطولات وانت بتتعامل مع الطبيب, تاكد انو الطبيب بخدم مريضك كانو حد من اهله, فما في داعي تبين حرصك الزايد , احنا بنخاف ع مريضك اكثر منك.

وقت الطبيب مهم جدا , لسببين , الاول انو لازم يعتني بعدد كبير من المرضى ويكون مركز معهم , والثاني انو لازم يقرأ ويطور حاله عشان يقدملك احدث واحسن خدمه طبية, فلاتضيع وقت طبيبك يلي ممكن يكون مريض ثاني حياته بتتوقف عليه , ولسا بتذكر لما اجانا حادث وكنا بنساعد مريض بموت , ولا مرافق احد المرضى بسال ليش اتاخرتو علينا, بحكيله شايف انو حادث والناس قاعده بتموت, بحكيلي واحنا هون بنستنا , بالاخر مات مريضنا.

عدد المراجعين هائل مقارنة بعدد الاطباء القليل // مثلا انا بشوف ما لايقل عن 50 مريض يوميا بين طوارئ وعيادات واستشارات وغيرها, وكل واحد منهم بده كل الاهتمام والتركيز وبعتقد انه حالته هي الاهم والاصعب. فبدك تطول بالك شوي.

معظم المشاكل تحصل في اقسام الطوارئ / طوارئ الجراحه بفروعها وطوارئ الباطني اما بسبب حوادث السير/ المشاجرات او جلطات قلبية قاتله , وعلميا هذه الاسباب الرئيسية للوفيات حول العالم, يعني لما يجي مريضك بحادث سير قاتل او مطعون ببطنه او صدره ويموت مش السبب من الطبيب, السبب انو اصابته قاتله وبمعظم الاحيان ما في شي علمي يتقدمله.

السبب الثاني للمشاكل هو طريقة المحاسبة الماليه, ومعروف لدى الجميع ان حوادث السير/ المشاجرات غير مشموله بالتامين, فانت لما يجي مريضك بحادث لازم تعرف انو الطبيب ما دخله بالمحاسبه وهاي اجراء اداري , واجب الطبيب يقدم لمريضك الخدمه الطارئه فقط. واما المحاسبه فهي شان اداري بحت لاعلاقه للطبيب به.

اعتقاد المريض والمجتمع بشكل عام انو الطبيب مسؤول عن كل شي في علاج المريض, وهذا اعتقاد خطأ, لان الطبيب شخص واحد في سلسلة طويله هو في الغالب مسؤول عن حلقة واحده منها. يعني الطبيب غير مسوول عن تاخر الفحوصات او عدم توفر سرير او محاسبة المرضى وغيرها.

الطبيب مسوول امام الله والقانون عن كل مريض بشوفه وعن كل اجازة او تقرير بكتبه. الكثير من المشاكل بتصير على وحده من هالشغلات, فضروري تحط ربنا بين عيونك لما تطلب اشي مخالف للدين او القانون
1- تخفيف ساعات العمل وزيادة عدد الاطباء بما يتناسب مع عدد المرضى
2- زيادة حوافز ورواتب الاطباء وهي حق لهم مقارنه بلمجهود وساعات العمل.
3- تطبيق عقوبات صارمة في موضوع الاعتداء على الاطباء / ولايسقط الحق بعفو الطبيب.
4- تفعيل المساءلة على الاخطاء الطبية حسب قانون النقابة / طبعا لجنة وتحقيق مو خذ حقك بايدك
5- تخصيص قوة امنية قريبه من اقسام الطوارئ, واغلب المشاجرات تحدث في حالات الحوادث, فيمكن التغلب على المشكله بان يرافق عناصر من الامن المصابين حتى يتم تامينهم / عادة ما بتوخد اكثر من نصف ساعه.

6- تفعيل دور الاعلام , وان يكون هناك نشرات توعويه للمرضى ومرافقيهم حول موضوع الرعاية الطبية وتحدياتها.

7- ادراج دروس لطلاب المدارس ضمن مساق التربية الاجتماعيه تتحدث عن العمل الطبي وطريقة التعامل مع مقدم الخدمه الطبية

x

‎قد يُعجبك أيضاً

بالصور … الرزاز يزور القيادة العامة

الحياة نيوز – زار رئيس الوزراء وزير الدفاع الدكتور عمر الرزاز صباح اليوم الأحد القيادة العامة للقوات المسلحة ...

أمير قطر: رفع الحصار أساس حل الأزمة الخليجية

الحياة نيوز – جدد أمير قطر الشيخ تميم بن حمد آل ثاني ، تأكيده على أن موقف الدوحة ...

نديم: لن نغلق أبواب الحوار

الحياة نيوز-صرح الناطق الإعلامي باسم نقابة المعلمين الأردنيين نورالدين نديم ان النقابة لم تغلق باب الحوار مطلقًا وأن ...

ندوة توعوية بعنوان “المخدرات وأثرها على المجتمع” … صور

الحياة نيوز-عقدت في مستشفى الملك المؤسس اليوم وبتنظيم من مديرية شرطة لواء الرمثا ندوة توعوية بعنوان ” المخدرات ...

الملقي : لا أملك حساب على فيسبوك وتوقعت ان اسأل عن “عنق الزجاجة”

الملقي: هذه المحاضرة ليست مخصصة لانجازات الحكومة كما تداولته وسائل اعلام * الملقي: لا أملك حساب فيسبوك، لكني ...

احمد الكسواني يرزق بـ “غازي” الف مبرووك

الحياة نيوز- يتقدم الاستاذ “غازي الكسواني” وعائلته  الكريمة بأسمى ايات التهنئة والتبريك من ابنه احمد بمناسبة قدوم مولوده ...

برعاية الاميرة منى الحسين .. عمان الأهلية تعقد المؤتمر الدولي حول صحة السمع والتوازن بالتعاون مع الاكاديمية العربية وجامعة لوبك

الحياة نيوز – تحت رعاية صاحبة السمو الملكي الاميرة منى الحسين تعقد جامعة عمان الأهلية والأكاديمية العربية للسمع ...

الامن يقبض على 4 اشخاص بحوزتهم كميات كبيرة من المخدرات (صور)

إدارة مكافحة المخدرات تنفذ حملة امنية على عدد من مروجي المواد المخدرة جنوب وشرق العاصمة وتلقي القبض على ...

خبر عاجل